Tails

El Ĉifru.net
Iri al: navigado, serĉi

TailsThe Amnesic Incognito Live System estas linuksa distribuaĵo preparita por oferti plej bonan anonimecon kiel eblas sur nivelo de la tuta operaciumo. Simile kiel ĉe aliaj anonigaj programoj ankaŭ Tails ne estas perfekta kaj 100%-e sekura. Vi uzas ĝin je via propra risko.

Ĝi enhavas kaj ordinarajn programojn por laboro (LibreOffice, Audacity, kaj aliaj) kaj anonimigajn programojn (Tor, I2P, subteno de ĉifrado LUKS kaj PGP). Por pli da sekureco dum anonima retumado, ĝi malpermesas ajnan komunikadon al ordinara Interreto krom aliro por Tor kaj I2P. Tamen eblas uzi apartan retumilon por neanonima komunikado kaj ankaŭ eblas starti Tails en senreta reĝimo.

Por neatentigi homojn pri via nekutima operaciumo eblas post starto de Tails elekti kaŝaspekton en stilo de Vindozo 8.

Elŝuto kaj uzo

Tails elŝuteblas de https://tails.boum.org/download/index.en.html. Tuj poste vi povas instali ĝin sur durdisko, meti kaj uzi per DVD, USB-memorujo aŭ SD-karto - do vi povas havi ĝin en unu komputilo aŭ uzi en diversaj komputiloj. Dum la uzo ĝi ne konservas ajnon sur ajna durdisko en la komputilo sen via komando.

Rilataj artikoloj

Eksteraj ligiloj

Personaj iloj